Ramayana

Ramayana

Prabu Dasaratha saka negri Ayodya nduweni putra sing cacahe papat, yaiku Rama, Bharata, Laksmana, lan Satrughna. Ing sawijine dina ana resi jejeneng Wismamitra njaluk pitulungan marang Sri Paduka Dasaratha supaya mbiyantu nglawan para raksesa sing padha nyerang pertapane. Rama lan Laksmana budhal menyang pertapane Wismamitra. Rama lan Laksmana bisa ngalahake para raksesa mau. Sabanjure Rama lan Laksmana menyang Negara Manthili sing lagi ana sayembara. Sapa sing bisa menthangake paanah bakal entuk putri raja yaiku Shinta. Lan sing bisa menthangake panah mau mung Rama, pramila Shinta banjur dadi garwane lan diajak menyang Ayodya.

Ing Ayodya lagi padha nyepakake pahargyan kanggo Rama sing arep dadi raja ing Ayodya. Nanging, Kekayi nagih janjine marang Prabu Dasaratha menawa putrane, Bharata sing dadi raja ing Ayodya. Rama luwih milih ngalah, banjur lunga saka Ayodya karo Shinta lan adhine Laksmana tumuju alas Dandaka.

Ing alas Dandaka ana raksesi sing jenenge Surpakenakha. Dheweke kesengsem marang Laksmana. Banjur Surpanakha malih dadi wanodya. Nanging, Surpanekha ora kasil anggone ngrayu Laksmana, malah Laksmana banjur ngethok irunge Surpakenakha. Surpakenakha dadi nesu banget banjur wadul marang kakange, Rahwana lan ngakon Rahwana supaya nyulik Shinta.

Rahwana ngutus Marica supaya dadi kidang emas. Shinta sing weruh kidang kuwi kepencut banget pengin nduweni. Shinta ngutus rama nyekel kidang emas mau. Rama lunga ngoyak kidang lan Shinta dijaga dening Laksmana. Ora suwe Shinta krungu Rama mbengok, banjur ngakon Laksmana supaya nulungi Rama. Shinta ditinggal dhewe ing kono, banjur Rahwana teka nyamar dadi wong tua kang njaluk banyu banjur nyulik Shinta.

Jatayu krungu bengokane Shinta lan nyoba nulungi Shinta sing diculik Rahwana. Nanging, Rahwana bisa ngalahake Jatayu. Jatayu nekani patine, nanging sadurunge kuwi wis bisa menehi kabar marang Rama lan Laksmana menawa Shinta diculik Rahwana.

Rama lan Laksmana banjur nggoleki  negara Alengka, yaiku negarane Rahwana. Ing satengahe dalan, Rama lan Laksmana ketemu karo ketehek-kethek lan rajane Subali sing lagi nyulik garwane kakange, Sugriwa. Sugriwa njaluk pitulungan marang Rama supaya nulungi garwane sing diculik Subali. Rama bisa mateni Subali lan ngrebut garwane Sugriwa. Kanggo males Rama, Sugriwa ngutus Hanoman lan bala kethek liyane kanggo nggoleki Shinta. Hanoman lan balane bisa mateni Rahwana lan kasil nggawa Shinta bali menyang Ayodya. Lan sabanjure Rama dadi raja ing Ayodya lan urip tenterem raharja karo garwane, Shinta.